Alger siðblinda?

Íslenskur almenningur hefur ekki stofnað til skulda þessarra manna. Þeir geta borgað sínar skuldir sjálfir. Hafa þeir enga samvisku? Skammast þeir sín ekki fyrir sitt líferni á kostnað íslenskrar alþýðu? Er siðblindan alger?

Baugur í greiðslustöðvun

Samsæri Sjávarnytja?

Er kannski hægt að skoða þessar niðurstöður í samhengi við heilsíðuauglýsingar Sjávarnytja, þar sem þeir segja hvalveiðar endurreisa efnahag þjóðainnar? Skyldi það vera tilviljun að könnunin kemur í kjölfar auglýsinganna? Þjóð í landi þar sem efnahagur er hruninn fyllist von við slíka auglýsingu og vill grípa slíkt hálstrá. En skyldi slíkt strá halda? Það er algjörlega óvíst og nauðsynlegt að málið sé skoðað í samhengi.

Meirihluti fylgjandi hvalveiðum

Barnabætur

Í póskassanum á föstdaginn beið mín bréf frá Fjársýslu ríkisins og innihélt það tilkynningu um fyrirframgreiddar barnabætur. Það lítur út fyrir að þetta séu þrír mánuðir, þó þess sé nú reyndar ekki getið í tilkynningunni.

Já sko, þeim varð þá ekki kápan úr því klæðinu, fyrrverandi ríkisstjórn, að gera mér þann greiða að greiða mér einungis mánuð í einu og það í nafnið aðgerða til að styðja fjölskyldur landsins. Svona aðeins til upprifjunar: Ein af þeim aðgerðum sem áttu að hjálpa fjölskyldum landsins í kreppunni var að greiða barnabætur út mánaðarlega í stað þess að greiða út á þriggja mánaða fresti. Í flýtinum gleymdist bara að barnabætur eru fyrifram greiddar fram að álgningu skatta í águst. Að greiða mánuð fyrifram í einu er því síður til hagsbóta fyrir fjölskyldur landsins en að greiða þrjá mánuði fyrirfram. Ef greiddir eru þrir mánuðir fyrirfram getur fjölskyldan notað greiðsluna til að greiða niður skuldir, nú eða ávaxtað peningna. Við skulum vona að aðgerðir núverandi ríkisstjórnarverði verði raunverulega til þess að slá skjaldborg um heimili landsins.

Hver vill ráðgjöf frá Glitni?

Í dagblöðum dagsins í dag eru auglýsingar, þar sem starfsfólk eingarstýringar Glitnis ásamt fleiri aðilum, býðst til að svara spurningum fólks um fjármál. Enn fremur er bent á að hægt sé að panta fjármálaviðtal á glitnir.is. Er þetta brandari? Heldur bankinn vikilega að fólk treysti honum til þess að ráðleggja því með fjármál sín? Treystir Glitnir því að almenningur sé jafn auðtrúa og þegar hann vara plataður til að taka myntkörfulán og fjárfesta í alskyns bréfum?

Kópavogur og hvalveiðar

Heilsíðuauglýsing var í Fréttablaði og Morgunblaðinu þann 9. janúar undir yfirskriftinni Hefjum hvalveiðar. Undir hvatningarorðin skrifa fjölmargir aðilar og þar á meðal Kópavogsbær! Kópavogsbær hefur sem sagt tekið afstöðu til hvalveiða. Ég veit reyndar ekki til þess að hvalveiðar hafi verið stundaðar, né séu fyrirætlaðar frá Kópavogi, en það er aldrei að vita. Þá yrði nú líf og fjör á Kársnesinu!  

Ég er fulltrúi Samfylkingarinnar í umhverfisráði Kópavogs. Ráðið á að vera bæjarstjórn og bæjarráði ráðgefandi í öllum þeim málefnum sem tengjast náttúruvernd og umhverfismálum. Öll slík mál eiga því að fara fyrir ráðið. Ekki hafa hvalveiðar eða afstaða bæjarins til þeirra mála verið þar til umræðu.

Hefur þetta verið rætt í bæjarstjórn Kópavogs? Er þetta opinber stefna bæjarins og er Kópavogsbær aðili að Félagi áhugamanna um skynsamlega nýtingu náttúruauðlinda? Eða er þetta eins og með svo margt annað í Kópavogsbæ, ákvörðun eins manns tekin á ólýðræðislegan hátt?  

Ég vil fá svör við þessu. Hverjir eru það innan bæjarfélagsins, sem hafa tekið þessa afstöðu fyrir hönd bæjarbúa og ákveðið að auglýsa það með tilheyrandi tilkostnaði nú á tímum niðurskurðar?

 

Slæmir sendiboðar

Ráðherrar eru þessa dagana sendiboðar slæmra tíðinda. Tíðindin sömdu þeir sjálfir, en hráefnið í þau eru fengin úr smiðju þeirra glæpamanna sem lifðu hátt og svifust einskis. Já það er glæpur að stela frá börnum framtíðarinnar mögulegum lífsgæðum, verða þess valdandi að skerða þarf menntun og heilsugæslu. Áfram munu verða framdir glæpir í nafni niðurskurðar. 

Skora á ráðherra að endurskoða afstöðu sína

Framsókn og gleymska

Mörgum hefur örðið tíðrætt um þá staðreynd að á Íslandi hefur ekki tíðkast að menn séu látnir axla ábyrgð og látnir víkja úr störfum hafi þeir gerst brotlegir. Mörg dæmi eru um slíkt. Við Íslendingar virðumst líka ekki sérlega langrækin þjóð og alltaf tilbúin að fyrirgefa. Þannig komast menn aftur á þing, þó þeir hafi bæði sýnt að þeim er ekki treystandi og hafi enga iðrun sýnt

Nú virðast menn hafa gleymt, eða eru alveg að gleyma hlut Framsóknarflokksins í tilurð þess samfélags sem hrundi í haust og þeirri miklu spillingu og tilfærslu fjármagns sem flokkurinn stuðlaði að. Þeir voru flokkur einkavinavæðingar og skörunar elds að eigin köku umfram aðra. Þar var spillingin mest.

Telja menn virkilega að innan Framsóknarflokksins séu forsendur til endurnýjunar, uppbyggingar og endurmats? Nei, nei, nei, ekki þar.

Virðing

Ég hef lengi sagt að virðing sé eitt stærsta orð sem við eigum. Virðing fyrir okkur sjálfum, virðing fyrir öðru fólki og virðing fyrir öllu lífi og umhverfi. Með virðingu skiljum við að allir eiga rétt á að lifa mannsæmandi lífi, við teljum rétt að komandi kynslóðir hafi sama rétt og við til að lifa mannsæmandi lífi og við teljum okkur skuldbundin til að skila samfélagi og landi af okkur til komandi okkar í góðu ástandi, í betra eða sambærilegu ástandi og við tókum við því. Þetta nefnist með öðrum orðum sjálfbær þróun. Umhverfismál og sjálfbær þróun hafa ekki mikið átt upp á pallborðið á Íslandi á undanförnum árum, eða frá því að hugtakið og hugmyndafræðin kom fram á 9 ártuga síðustu aldar. Íslendingar hafa verið uppteknir við að græða eða öllu heldur eyða því sem þeir ekki áttu... og sumir meira en aðrir. Hluti þjóðarinnar hefur leyft sér að lifa lífi og stundað líferni, sem aðrir munu aldrei getað látið sér dreyma um og tekið sér mánaðarlaun sem eru jafnvel ævitekjur annara. Þetta er ekki virðing, þetta er siðblinda, þetta eru glæpamenn. Já glæpamenn, því núna þarf þjóðin að borga brúsann. Og hvernig? Með skertri þjónustu, með niðurskurði í mennta- og heilbrigðiskerfi. Þessir menn hafa tekið frá börnum framtíðarinnar og það er glæpur. Hvernig ætla þeir að greiða fyrir það? Með því að borga smápening til baka? Já 370 milljónir eru smápeningar hjá þessum mönnum. Ef þeir vilja virðingu þurfa þeir að ávinna sér hana. Ef þeir vilja ekki vera úthrópaðir, þá þurfa þeir að sýna í verki að þeir ætli að vera hluti af þjóðinni og skila til baka því sem þeir tóku. Ég er sorgmædd, sorgmædd yfir því sem komið hefur fyrir þjóðina, þetta þurfti ekki að gerast. Græðgin varð mönnum að falli og þeir drógu heila þjóð með sér, saklaust fólk, sem hefur unnið hörðum höndum til að eiga í sig og á og þarf nú að vinna enn harðar, eða er án vinnu. Almenningur var eins og litla stúlkan með eldspýturnar, horfði inn um glugganna hjá auðmönnunum skemmta sér. Halda þeir áfram að skemmta sér?